ການກະສິກຳປູກເຫັດ

ທາງໃນຟາມເຫັດ

ການຈັດວາງກ້ອນເຫັດເຂົ້າຟາມເຫັດຂະໜາດ 4x15 ບັນຈຸກ້ອນເຫັດໄດ້ປະມານ 5000 ກ້ອນ ຈະວາງກ້ອນເຫັດໃນແນວນອນ ເພື່ອໃຫ້ເຊື້ອເຫັດເດີນໄດ້ດີ ແລະ ເປັນການປະຫຍັດພື້ນທີ່ ຫຼື ການຝັກເຊື້ອຈາກຖານຮ້ານຝັກເຊື້ອ ໂດຍວິທີການຕັ້ງກໍ່ໄດ້ ສ່ວນແຜງວາງຂ້າງກ້ອນເຫັດ ດ້ານຂ້າງທັງສອງຂ້າງຈະວາງສະຫລ່ຽງປະມານ 35 ອົງສາ ທາງກາງວາງແຜນໃຫ້ເປັນຮູບຕົວ A ຂາທັງສອງຂ້າງຫ່າງກັນປະມານ 30-40 ຊມ. ບ່ອນວ່າງລະຫວ່າງທາງເດີນເວັ້ນໃຫ້ສາມາດຍ່າງເຂົ້າອອກໄດ້ສະດວກ ການສ້າງຟາມເຫັດດ້ວຍໄມ້ຈິງ ອາດຈະເປັນໄມ້ລຳນ້ອຍລຳໃຫຍ່ທົນທານແຂງແຮງ ເທົ່າກັບ ການສ້າງດ້ວຍເຫລັກ ເພາະການເພາະເຫັດຕ້ອງມີການຫົດນ້ຳເຫັດທຸກມື້ ການໃຊ້ໄມ້ຈິງ ຈະມີການໂດກ ຫຼື ມີແມງກັດຜຸຜ່ອຍໄດ້ງ່າຍ ການເລືອກໃຊ້ວັດສະດຸກໍຂື້ນກັບເງິນລົງທືນ ແລະ ວັດສະດຸທີ່ມີໃນທ້ອງຖີ່ນ.

ທາງໃນຟາມເຫັດ

ເຫັດຂອນຂາວ

ເຫັດຂອນຂາວ ດັ້ງເດີມແລ້ວຈະເກີດຂື້ນເອງຕາມທຳມະຊາດ ໃນເຂດຮ້ອນຊຸ່ມ ສ່ວນໃຫຍ່ພົບຫຼາຍຢູ່ໃນປ່າ ເປັນເຫັດທີ່ຈະອອກດອກໃຫ້ເຫັນໃນຊ່ວງລະຫວ່າງລະດູຮ້ອນຫາໜ້າຝົນ ຫຼື ຊ່ວງປະມານເດືອນເມສາເຖີງເດືອນພຶດສະພາ ເຫັດຂອນຂາວ ຈະພົບໃນຂອນໄມ້ກົກມ່ວງ ຫຼື ຂອນໄມ້ໂດກ ໃນປ່າ.
ເຫັດຂອນຂາວ ເປັນເຫັດທີ່ມີຄວາມໜຽວ ໃຊ້ປະກອບອາຫານ ເຮັດແກງໜໍ່ໄມ້, ຂົ້ວ, ຫມົກເຫັດ, ສົ້ມເຫັດ ເປັນຕົ້ນ... ຕາມໃຈມັກເມນູໃດ ກໍແຊບ ເຫັດຂອນຂາວເປັນເຫັດທີ່ນິຍົມຂອງຊາວລາວ ຫຼື ຊາວອີສານ ເພາະໄດ້ໃນອຸນຫະພູມປົກກະຕິ ແຕ່ຢ່າໃຫ້ຮ້ອນຫຼາຍ ຈົນເກີນໄປ ຖ້າຮ້ອນຫຼາຍໃຫ້ເອົານ້ຳລາດພື້ນ ອຸນຫະພູມຢູ່ທີ່ 35-40 ອົງສາເຊວເຊີຍ ກຳລັງພໍດີ.
ສູດຜະລິດເຫັດຂອນຂາວ

ທ່ານສວນແນະນຳການຜະລິດກ້ອນເຊື້ອເຫັດ ເຊີ່ງປະກອບດ້ວຍຂີ້ເລື່ອຍ 100 ກິໂລກຮັມ ຕໍ່4ລໍ້ ປູນຂາວ 1 ກິໂລກຣັມ ຍິບຊ້ຳ 1 ກິໂລກຣັມ ເຄັດລັບຂອງຟາມຈະໃຊ້ນ້ຳຕານຊາຍ ໄປເຄີ່ງກິໂລກຣັມ ເຫດຜົນທີ່ໃສ່ນ້ຳຕານຊາຍເພາະນ້ຳຕານຈະຊ່ວຍໃຫ້ເຫັດສົດຊື່ນ ຫລັງຈາກຜະສົມເພາະເຫັດແລ້ວ ນຳໄປອົບຂ້າເຊື້ອ 6 ຊົ່ວໂມງ ເມື່ອອົບແລ້ວປະໄວ້ 1 ຄືນ ແລ້ວເອົາເຊື້ອເຫັດທີ່ຕ້ອງການທີ່ຈະເພາະໃສ່ເຂົ້າໄປ ໂດຍທີ່ຟາມນີ້ຈະລ້ຽງໃນເມັດເຂົ້າຟ່າງ ເຮັດເປັນວຸ້ນ ແລະ ເຂ່ຍສາຍພັນຂອງເຫັດແຕ່ລະຊະນິດລົງໄປ.

ຂະໜາດຟາມເຫັດ
ເຫັດ 2,000 ກ້ອນ ເຮັດໂຮງເຮືອນກ້ວາງ 3x4 ແມັດ ໃຊ້ງົບປະມານບໍ່ເກີນ 1.160.000 ກີບ/ຟາມ.
ຈຳໜ່າຍກ້ອນເຫັດ
- ເບົ້າກ້ອນເຫັດນາງຟ້າ(ພູຖານ) ລາຄາກ້ອນລະ 2.500 ກີບ/ກ້ອນ ຖ້າຊື້ 1,000 ກ້ອນ ຂື້ນໄປ ຄັນມາເອົາເອງຈະລຸດໃນລາຄາ 2.300 ກີບ/ກ້ອນ ຄັນໃຫ້ໄປສົ່ງແມ່ນ ຈະແຖມກ້ອນເຫັດປະມານ 20 ກ້ອນ/1,000 ກ້ອນ ຟາມເຫັດຂາຍກ້ອນເຊື້ອເຫັດໄດ້ ປະມານ 16,000-20,000 ກ້ອນ ຕົວຢ່າງ: ສຳຫລັບທ່ານໃດ ທີ່ສົນໃຈຢາກຫາອາຊີບເສີມວ່າ ຫາກມີກ້ອນເຫັດ 2,000 ກ້ອນ ຈະສາມາດເກັບຂາຍເຫັດໄດ້ ວັນລະ 132,000 ກີບ ໃນຍາມລະດູຝົນແຮງໄດ້ກຳໄລຫຼາຍ ເພາະດອກເຫັດຈະອອກງາມ ຂາຍໄດ້ລາຄາດີກ່ວາ ຂາຍເປັນໄລຍະ 1 ເດືອນກໍເປັນການລົງທືນໄດ້ແລ້ວ ແລະ ເຫັດບໍ່ໄດ້ຂາຍໄດ້ແຕ່ 1 ເດືອນ ສາມາດເກັບຂາຍໄດ້ເຖີງ 4 ເດືອນຂື້ນຕາມທີ່ເຮົາຮັກສາໄດ້ມັນຈະແກ່ຍາວຮອດ 5-6 ຈາກນັ້ນ ກ້ອນເຫັດຈະຄ່ອຍໝົດໃນຕົວມັນເອງ ແມ່ນການເປັນອາຊີບເສີມສ້າງລາຍໄດ້ດີ.

- ເຫັດຂອນຂາວ ຫຼື ເຫັດກະດ້າງ ຈຳໜ່າຍກ້ອນເຫັດ ໃນລາຄາກ້ອນລະ 2,500 ກີບ/ກ້ອນ ຖ້າຊື້ 1,000 ກ້ອນຂື້ນໄປ ຈະລຸດໃນລາຄາ 2.300 ກີບ/ກ້ອນ(ຄັນມາເອົາເອງ) ຖ້າໃຫ້ໄປສົ່ງຈະແຖມໃຫ້ ປະມານ 20 ກ້ອນ

ເຫັດຂອນຂາວ

ເຫັດນາງລົມ(ຮົງກາຣີ)

ເຫັດນາງຟ້າ: ຈັດເປັນເຫັດເສດຖະກິດທີ່ສຳຄັນທີນິຍົມກັນຮັບປະທານຫຼາຍບໍ່ວ່າຈະເປັນເຫັດນາງລົມ ແລະ ເຫັດເຟືອງ ເນື່ອງຈາກ ເຫັດຊະນິດນີ້ສາມາດຫາປູກໄດ້ງ່າຍ ມີເວລາໃນການປູກໃນການເພາະສັ້ນ ດອກເຫັດອອກຈຳນວນຫຼາຍ ດອກເຫັດໃຫ້ເນື້ອອ່ອນນຸ້ມ ສາມາດນຳມາປະກອບອາຫານໄດ້ຫຼາຍຊະນິດເຊັ່ນ: ໜື້ງເຫັດ, ແກງຈືດ ແລະ ຕົ້ມຍຳ ເປັນຕົ້ນ.

ລັກສະນະ: ດອກເຫັດຈະມີລັກສະນະຄ້າຍກັບດອກເຫັດເປົ້າຮື້ ແລະ ດອກເຫັດນາງຟ້າເກືອບຈົນແຍກບໍ່ອອກແຕ່ຂອບດອກຂອງເຫັດນາງຟ້າຈະອ່ອນກ່ວາເຫັດນາງລົມ ໃນຂະນະທີ່ເຫັດນາງລົມຂອບດອກຈະມີສີຄ້ຳຫຼາຍກ່ວາສ່ວນຕົວຂອງດອກເຫັດນາງຟ້າຈະບາງກ່ວາເຫັດນາງລົມ ແລະ ມີຄຣີບຢູ່ຊິດກັນຫຼາຍກ່ວາ ໃນເມື່ອທຽບກັບເຫັດເປົ່າຮື້ ພົບວ່າ ກ້ານດອກຂອງເຫັດນາງຟ້າຈະຄ່ອນຢູ່ລະຫວ່າງກາງດອກຫຼາຍກ່ວາດອກຂອງເຫັດເປົ່າຮື້ທີ່ເຍື້ອງໄປຢູ່ຣີມຂອບດອກດ້ານໃດດ້ານໜື່ງ ແລະ ກ້ານຂອງດອກເຫັດນງຟ້າຈະນ້ອຍກ່ວາຂອງກ້້ານເຫັດເປົ່າຮື້ຢ່າງຊັດເຈນ ສ່ວນເຫັດນາງຟ້າອີກຊະນິດໜື່ງຄື: ເຫັດນາງຟ້າພູຖານ ເປັນເຫັດທີ່ນຳເຂົ້າຈາກປະເທດພູຖານ ເຊີ່ງປັດຈຸບັນກຳລັງເປັນທີ່ນິຍົມເຊັ່ນກັນ. ໂດຍດອກເຫັດນາງຟ້າອາດອອກເປັນດອກດຽວ ຫຼື ອອກເປັນຈຸກຫຼາຍດອກຕິດກັນອອກມາ ມີກ້ານດອກສັ້ນ ສີຂາວ ບໍ່ມີວົງແຫວນ ດອກເຫັດອ່ອນ ມີສີຂາວ ເມື່ອແກ່ຫຼາຍຈະມີສີນ້ຳຕານອ່ອນ ມີເສັນໃຍຂ່ອນຂ້າງອະອຽດ.

ປະໂຫຍດເຫັດນາງຟ້າ: 1. ເຫັດນາງຟ້ານິຍົມນຳດອກເຫັດສົດມາປະກອບອາຫານເຊັ່ນ: ເຫັດນາງຟ້າຊຸບແປ້ງທອດ, ຕົ້ມຍຳເຫັດນາງຟ້າ ແລະ ຫໍຫມົກເຫັດນາງຟ້າ ເປັນຕົ້ນ.

ຊັບພະຄຸນທາງຢາ: ຊ່ວຍປ້ອງກັນໂລກມະເຮັງ ແລະ ລົດໄຂມັນໃນເສັ້ນເລືອດ ອີກດ້ວຍ.

ເຫັດນາງລົມ(ຮົງກາຣີ)

ເຫັດນາງລົມ(ຟ້າພູຖານ)

ຊັບພະຄຸນທາງຢາ: ຊ່ວຍປ້ອງກັນໂລກມະເຮັງ ແລະ ລົດໄຂມັນໃນເສັ້ນເລືອດ ອີກດ້ວຍ.

ເຫັດນາງລົມ

ເຫັດບົດ

ເຫັດບົດ ຫຼື ເຫັດກະດ້າງ ເປັນເຫັດພື້ນເມືອງທີ່ມີຢູ່ໃນທຳມະຊາດ ເປັນເຫັດທີ່ມີໝວດດອກຂະໜາດໃຫຍ່ ກວ້າງ 5 - 12 ເຊນຕີແມັດ ກ້ານສັ້ນ 1-2 ເຊນຕີແມັດ ສີນ້ຳຕານປົນດຳ ຢູ່ໃນທຳມະຊາດມັກພົບເຫັນໃນຂອນໄມ້ລົ້ມ ໄມ້ໂດກ ດອກເຫັດອາດເກີດຂື້ນດ່ຽວ ຫຼື ອາດເກີດເປັນຂັ້ນຊ້ອນກັນໃນເທີງຂ່ອນໄມ້ ມັກພົບເຫັນຍາມລະດູຮ້ອນຕໍ່ລະດູຝົນ ຫຼື ລະດູຝົນຕໍ່ລະດູໜາວ ທີ່ອາກາດກາງເວັນ ແລະ ກາງຄືນ ອຸນຫະພູມຕ່າງກັນຫຼາຍໆ ເຫັດຊະນິດນີ້ ດອກອ່ອນຈະນີ້ມ ເມື່ອແກ່ຈະຫນຽວ ແລະ ແຂງ ຈື່ງສາມາດເກັບຮັກສາໄວ້ຮັບປະທານໄວ້ດົນຂ້າມປີເວລາຈະນຳມາປຸງອາຫານກໍ່ນຳມາໄປແຊ່ນ້ຳໃຫ້ຄືນສະພາບຄືເຫັນຫູຫນູ(ເຫັດກະຕັ່ນ) ເປັນເຫັດທີ່ມີລົດຊາດຫວານກ່ວາເຫັດອື່ນໆໃນກຸ່ມດຽວກັນ ດອກອ່ອນນຳໄປແກງຊຸບ ຫຼື ລາບໃຫ້ຄວາມຮູ້ສືກ ໃນການຮັບປະທານຄ້າຍຄືກັບຊີ້ນສັດ ຄືກຮຸບໜຽວ ລີ່ນລີ້ນ ຈື່ງເປັນທີ່ນິຍົມກັນຮັບປະທານຂອງຄົນລາວ ດັ່ງນັ້ນ ຈື່ງເປັນແຫລ່ງຜະລິດດ້ວຍ ລາຄາຂອງເຫັດກະດ້າງຄ່ອນຂ້າງສູງກ່ວາເຫັດພື້ນເມືອງຊະນິດອື່ນໆ ລາຄາກິໂລລະ 40,000-50,000 ກີບ/ກິໂລ ແລ້ວແຕ່ລະດູການ ການເກັບບາງອັນສາມາດເຮັດໄດ້ສູງກ່ວາ 10,000.000 ກີບ/ເດືອນ ເຫັດບົດເປັນເຫັດພື້ນເມືອງອີກຊະນິດໜື່ງ ທີ່ໄດ້ຮັບການພັດທະນາເພື່ອການເພາະພັນ ການປູກເພື່ອເປັນການຄ້າ ເຊີ່ງກົມວິຊາການປູກເຫັດ ໄດ້ຄັດເລືອກສາຍພັນໄວ້ບໍລິການ ແລະ ຈຳໜ່າຍແກ່ການຜະລິດ ພ້ອມທັງໄດ້ວິໄຈ ແລະ ພັດທະນາສູງວັດສະດຸ ເຊີ່ງມີຫຼາຍສູດ

ວັດສະດຸເພາະ

ການເພາະພັນເຫັດກະດ້າງ (ເຫັດບົດ)

ສູດທີ1:

ຂີ້ເລື່ອຍໄມ້ຍາງ ຫຼື ໄມ້ຫມາກມ່ວງ ຫມາກຂາມ 100 ກຣັມ

ນ້ຳຕານຊາຍ 2-3 ກິໂລກຣັມ

ຮ່ຳອ່ອນ 3-5 ກິໂລກຣັມ

ປູນຂາວ 1 ກິໂລກຣັມ

ນ້ຳ 65-75 ກິໂລກຣັມ (ລິດ)

ວັດສະດຸ ແລະ ອຸປະກອນ

1. ຖົງຢາງພລາສຕິກໃສທົນຮ້ອນຂະໜາດ 3x13 ນີ້ວ

2. ປອກຄໍພລາສຕິກທົນຮ້ອນ

3. ສຳລີ ຢາງຮັດ

4. ວັດສະດຸເພາະຕາມສູດ

5. ຮ້ານຝັກເຊື້ອເຫັດ ແລະ ຟາມເຫັດເປີດດອກ

ວິທີການ

1. ຜະສົມສູດວັດສະດຸເພາະເຂົ້າດ້ວຍກັນ ໂດຍນຳນ້ຳຕານລະລາຍໃນນ້ຳ ຈາກນັ້ນນຳໄປຫົດຂີ້ເລື່ອຍ ເຊີ່ງປະສົມກັບຮ່ຳໄວ້ຮຽບຮ້ອຍແລ້ວ ຜະສົມຈົນເຂົ້າກັນດີ ຈື່ງນຳໄປບັນຈຸໃນຖົງພລາສຕິກທົນຮ້ອນ ຕຳໃຫ້ແໜ້ນ.

2. ບີບປາກຖົງ ແລ້ວຕຳໃສ່ປອກຄໍ ດຶງປາກຖົງແລ້ວພັບປາກຖົງ ດືງໃຫ້ຕືງຮັດດ້ວຍຢາງ ແລ້ວໃສ່ຜ້າຍ ຫຼື ສຳລີ ແລ້ວເອົາເຈ້ຍຫນັງສືພິມອັດຕ້ອງປິດໄວ້ປ້ອງກັນບໍ່ໃຫ້ສຳລີປຽກ ຂະນະເຮັດວິທີການໜື່ງຂອງວັດສະດເພາະ.

3. ນຳໄປຮຽງໃນຫມໍ້ໜື້ງ ຈົນເຕັມແລ້ວປິດຝາ ແລ້ວໜື້ງໂດຍບໍ່ໃສ່ຄວາມດັນເປັນເວລາ 3-4 ຊົ່ວໂມງ ໂດຍໃຊ້ໄຟສະໝ່ຳສະເໝີສັງເກດໃຫ້ໄອນ້ຳພຸ່ງຕົງຕະຫລອດເວລາ ຕ້ອງພະຍາຍາມດັງໄຟໃຫ້ສະໝ່ຳສະເໝີບໍ່ໃຫ້ໄຟລຸກແຮງຈົນເກີນໄປ ເມື່ອໄດ້ເວລາແລ້ວ ກໍຂົນຖົງເຫັດລົງໃສ່ພື້ນທີ່ຕ້ອງການແລ້ວປະໄວ້ໃຫ້ເຢັນໃນບ່ອນທີ່ສະອາດ ແລະ ອາກາດມິດຊິດບໍ່ມີລົມ ນ້ຳອົບ ນ້ຳຫອມ ແມ່ນບໍ່ໃຫ້ມີກີ່ນກາຍມາຕອນເວລາຢອດເຊື້ອ ນຳເຊື້ອ ເຂ່ຍເຊື້ອເຫັດໃສ່ປາກຖົງເຫັດປະມານ 10-20 ເມັດ ພະຍາຍາມໃສ່ເຊື້ອພາຍໃນ 24 ຊົ່ວໂມງຫລັງຈາກຖົງເພາະເຢັນລົງແລ້ວ ກໍນຳໄປວາງຮ້ານຝັກເຊື້ອເຫັດ ເພື່ອໃຫ້ເຍັ້ນໃຍເດີນຕາມຖົງ.

ການຝັກເຊື້ອເສັ້ຍໃຍ

ເສັ້ນໃຍທີ່ຈະເລີນເຕີບໂຕໃນຖົງວັດສະດຸເພາະພັນປະມານ 1 ກິໂລກຣັມ ຈະໃຊ້ເວລາ 30-35 ວັນ ຈື່ງຈະຕື່ມ ຖົງເພາະເພື່ອເສັ້ນໃຍເຕີມຖົງຕ້ອງຝັກເຊື້ອເສັ້ນໃຍຕໍ່ໄປຈົນເສັ້ນໃຍເລີ່ມສ້າງສີຂາວຂຸ້ນ ໂດຍສະເລ່ຍໃຊ້ເວລາ 80-90 ວັນຈື່ງນຳໄປເປີດດອກ ຮ້ານຝັກເຊື້ອເຫັດຕ້ອງເປັນບ່ອນທີ່ຮົ່ມ ໂປ່ງ ອາກາດຖ່າຍເທໄດ້ດີອຸນຫະພູມຢູ່ລະຫວ່າງ 28-35 ອົງສາເຊລເຊີຍ.

ຟາມເຫັດເປີດດອກ

ຄ້າຍຟາມເຫັດຂອນຂາວ ສາມາດມຸງດ້ວຍພລາສຕິກ ແລະ ຜ້າແຍ່ງດ້ວຍແຕະ ບໍ່ຈຳເປັນຕ້ອງໃຊ້ຖົງຢາງພລາສຕິກດຳມາແອ້ມ ເພາະເປັນເຫັດທີ່ມັກອຸນຫະພູມສູງໂດຍໃຫ້ມີຄວາມຊຸ່ມ 70-80%

ໃນການເປີດດອກເຫັດບົດ ເຫັດຈະອອກດອກໄດ້ດີ ເມື່ອອາກາດບໍ່ເອື້ອອຳນວຍ ຫຼື ອູນຫະພູມກາງເວັນ ສຳລັບບາງຄົນຕ່າງກັນຫຼາຍໃນການຜະລິດປູກເຫັດທີ່ຊຳນານການເພາະເຫັດບົດໃນເມືອງໄຊທານີ

ເຫັດບົດ

ຊົມວິດີໂອ

Video

ຟາມເຫັດ

ຟາມເຫັດ

ການສ້າງຟາມເຫັດເພາະເຫັດ ຟາມຈະມາເຮັດໂຮງເຮືອນຂະໜາດ 4x15 ແມັດ ເສົາກາງສູງ 3 ແມັດ, ເສົາດ້ານຂ້າງ 2.50 ແມັດ, ຄວາມອ່ຽງ 35 ອົງສາ ວັດສະດຸອຸປະກອນທີ່ໃຊ້ ຈະເນັ້ນໃຊ້ວັດສະດຸທີ່ມີໃນທ້ອງຖີ່ນ ຈະໃຊ້ສ່ວນຫຼາຍແມ່ນ ໄມ້ຈິງ ແລະ ໄມ້ອື່ນໆ ທີ່ພໍຫາໄດ້ ແລະ ທົນທານເພື່ອຄວາມປະຫຍັດ ແລະ ມີໃນທ້ອງຖີ່ນ ແລະ ໂຮງເຮືອນຈະມີຢູ່ 2 ຊະນິດຄື: ເຮືອນຮ້ານເພາະພັນ ແລະ ຟາມເຫັດ(ເກັບດອກເຫັດ) ໂຮງເຮືອນເມື່ອສ້າງສຳເລັດແລ້ວຈະເຮັດການຂ້າເຊື້ອໂດຍ ການໂຮຍປູນຂາວກ່ອນ ຖ້າຈະໃຫ້ດີ ແລະ ຄວາມຍາວນານຄວາມທົນຂອງໄມ້ເພື່ອກັນແມງໄມ້ກ່ອນເປັນການດີ.
ຮ້ານເພາະພັນເຫັດທີ່ດີ ບໍ່ຄວນຜ່ານການເປັນຟາມເຫັດມາກ່ອນ ຖ້າຮ້ານເຮືອນເດີມຍັງຢູ່ໃນສະພາບເດີມທີ່ຍັງໃຊ້ງານໄດ້ດີໂດຍການຂ້າເຊື້ອ ໂດຍການເປີດຫລັງຄາຟາມເຫັດເພື່ອໃຫ້ແສງແດດສ່ອງ ແລະ ໂຮຍປູນຂາວ ປະໄວ້ປະມານ 3 ວັນ ການມຸ່ງຫລັງຄາ ທາງຟາມຈະມີ 2 ແບບຄື:
1. ຟາມເຫັດທີ່ມັກຮ້ອນຊຸ່ມ
ສຳຫລັບເຫັດທີ່ມັກອາກາດຮ້ອນ ເໝາະກັບ ເຫັດຂອນຂາວ ເຫັດບົດ ເພາະເຫັດທັງສອງຊະນິດນີ້ຈະມັກອາກາດຮ້ອນຊຸ່ມ, ການມຸງຫລັງຄາຈະມຸງຈະມຸງຫລັງຄາສາມຊັ້ນ ຊັ້ນທຳອິດເປັນແພແຍ່ງດຳ ຂະໜາດ 60% ຫຼື 70% ຊັ້ນທີສອງ ມຸງຖົງຢາງພລາສຕິກໃສຈະແບບບາງ ຫຼື ແບບໜາກໍ່ໄດ້ ຊັ້ນທີ່ສາມ ແພແຍ່ງດຳ ສະຫຼຸບແລ້ວເປັນສາມຊັ້ນ ສ່ວນຮອບອ້ອມຟາມແມ່ນຈະໃຊ້ແຕະ ຫຼື ພລາສຕິກດຳກໍໄດ້ ເພາະເຫັດສອງຊະນິດນີ້ມັກອາກາດຮ້ອນຊຸ່ມ ເບີ່ງດັ່ງຮູບ

ຟາມເຫັດທີ່ເຮັດດ້ວຍໄມ້ຈິງ

ມຸງດ້ວຍສັງກະສີ

ຫລື ມຸງດ້ວຍຫຍ້າຄາ

ຕ້ອງແອ້ມຖົງຢາງພລາສຕິກມິດຊິດ

2. ຟາມເຫັດທີ່ມັກອາກາດເຢັນ
ສຳຫລັບເຫັດທີ່ມັກອາກາດເຢັນ ແລະ ເໝາະກັບ ເຫັດນາງຟ້າ(ພູຖານ) ນາງລົມ(ຮົງກາຣີ) ວັດສະດຸໃນການກໍສ້າງຟາມເຫັດແມ່ນຂື້ນຢູ່ກັບຊະນິດຂອງເຫັດ ການມຸງຫລັງຄາດ້ວຍສັງກະສີ ຫຼື ຫຍ້າຄາ ສ່ວນຮອບອ້ອມແອ້ມຟາມເຫັດແມ່ນຫຍ້າຄາ ຫຼື ພລາສຕິກດຳກໍ່ໄດ້ ຫຍ້າຄາຕາມດ້ວຍແພແຍ່ງດຳ 70%, 80%